Oh ihr Leit, i will net klaga,
bloß des muss i euch no saga:
Mir isch es fei net noch Späß,
denn i be em Weihnachtsstress.
Am Heilicha Obend – Morga,
muss i no hondert Sacha b`sorga.
Des isch a hartes Los – ,
wie schaff i des ällas bloß?
10 Sorta Gutsla han i bacha,
Heut hol i`s aus d`r Bichs,
denn m`r schenkat ons sonscht nix.
D´r Chrischtbaumschmuck muß i no sichta,
Ond Gaaskachel muss i au no richta.
Des könnt jo macha au mei Ma,
doch der schpielt lieb`r mit d`r Eisabah.
s` alte Gschenkpapier muß i no bigla,
s` Lammetta vom letzta Johr no striegla.
Des isch net aus d`r Weis,
g`schpaart wird, no braucht m`r scho koi neis.
Ach ja, Kerzahalter muss m`r au no putza,
am Baum des ondere Krenzle stutza,
no isch der kromme Siach
gar net so wiascht ond so siach.
Am Chrischtbaum Ständer d`r Schrauba öla
ond en d`r Kich no Grombiere schäla.
Das oem oe Mensch des dankt,
was älles an mir dranna hangt.
Em Gartaheisle drüba,
muss i no uff d`r Blockflöt üba.
Net dass m`r d`„Stille Nacht“
so wia em letzta Johr total verkracht.
En d Bibel bei Lukas zwoi,
muss o`bedeng a Lesezeicha nei
sonscht fend` dui Weihnachtsgschicht
d`r Vatter au des Johr wieder nicht.
I ka`s kaum no verschnappa
ond hoff, es wird doch älles wieder klappa,
es schlaucht me halt äll Johr gar so.
„ In dulci jubilo“
Eindrücke von American Christmas Decorationen (live gesehen in Seal Beach, Californien/USA)